Guwahati, Oct 2: 2025 bilsini October jao India a·songni gipin biaprango mikka bitchirang ga·akrongbewalna batgen ine u·iatengon, India-ni Salgro Salaram jolrangode pangna bilsina bate mikka bitchirangko komiskanaba donga ine India Meteorological Department (IMD) mikrakataniko on·ataha.
2025 bilsini wachikari somoi chong·motan June jaoni September jaona kingking India a·songo 108% mangni gita chu·gimik mikka bitchirangko man·aha. Mikka bitchirang bang·bate man·giparangko sulsul u·iatgenchimode, Indiani Salgro Saliram jol 127%-rangchi mikka bitchirangko man·batgipa ong·engon, Central India-o 115%-ko aro South Peninsula 110% mang mikka bitchirangko man·engon, Indiani Salgro Salaram jolode pangna warongbewalna bate 80% mangni gita komie man·enba, 1901 bilsioni mikka bitchirangko komie man·ani ian 2-gipa changna ong·enga.
A·gilsak gimiko mikka wabatsranggipa ine bimung man·pilgipa Meghalaya-ni Sohra (Cherrapunji), ia bilsio mikka bitchirang man·rongbewalna bate 40% mangni gita komiaha.
India-ni Salgro Salaram jolo ding·rongbewalna bate ding·aniko chakna nanggen ine IMD mikrakataniko on·atengon, ta·raken ding·baroroenggipa jolrangoni ge·sa ong·baenga ineba u·iataha. Scientist-rangni aganani gitade ian Pacific sagalo La Nina aro Indian Ocean Dipole (IOD)-ni weak negative ong·ani a·sel ong·enga ine aganaha.
U·i-ma·sigipa dolrangni aganani gitade mikka bitchirang komiani a·sel Assam, Meghalaya, Arunachal Pradesh aro Nagaland a·dokrango ge·a gamanirang jekai cha, mi aro biterang ba me·su samjakrangko ge·anio nangchakeaniko ra·banaba donga ineba mikrakataniko on·ataha. Indake ong·engon, ia mikka bitchirang komianichi cha ge·anirang mongsongbate nosto ka·ako man·aba donga maina a·a ran·ode aro ding·anirang bata ong·ode cha bijakrang man·aniko komiatan baksana cha bijakni toanikoba komiatgen.
IMD-ni gita a·dok sorkariko ge·a gananirangna nangchakeani, chirang chu·onggijani aro an·seng baljokanina tarisamsoanirangko daksamsona ia mikrakataniko jakkalchina u·iatha.
Na·simang iakoba nina man·gen:
Na·simang iakoba poraina man·gen: Ma·mong sorkari Assam a·doko kror 6.957-ni highway project-ko namnike ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub